გამოყენების წესები

01ტერმინთა განმარტება

წინამდებარე წესებში:

„REDNET“ / „ჩვენ“ / „მომსახურების მიმწოდებელი“ ნიშნავს შპს „კონექტს“, რომელიც REDNET ბრენდის ქვეშ ახორციელებს მომსახურების მიწოდებას.

„მომხმარებელი“ ნიშნავს ნებისმიერ ფიზიკურ ან იურიდიულ პირს, რომელიც ქმნის REDNET-ის ანგარიშს ან სარგებლობს REDNET-ის მომსახურებით.

„ანგარიში“ ნიშნავს მომხმარებლის პირად პროფილს REDNET-ის სისტემაში.

„მომსახურება“ მოიცავს REDNET-ის მიერ შეთავაზებულ ვებჰოსტინგს, VPS სერვერებს, დომენური სახელების რეგისტრაციასთან დაკავშირებულ მომსახურებებს და სხვა ციფრულ ან ტექნიკურ მომსახურებებს.

„პაკეტი“ ნიშნავს მომხმარებლის მიერ არჩეულ მომსახურების გეგმას შესაბამისი რესურსებით, ფასითა და მომსახურების ვადით.

„საანგარიშო პერიოდი“ ნიშნავს პერიოდს, რომლისთვისაც მომხმარებელი წინასწარ იძენს შესაბამის მომსახურების პაკეტს.

02ანგარიშის შექმნა და წესებზე თანხმობა

2.1. REDNET-ის მომსახურებით სრულფასოვნად სარგებლობისთვის მომხმარებელს შესაძლოა დასჭირდეს ანგარიშის შექმნა.

2.2. ანგარიშის შექმნისას მომხმარებელი ვალდებულია მიუთითოს სწორი, სრული და განახლებული ინფორმაცია.

2.3. ანგარიშის შექმნით მომხმარებელი ადასტურებს, რომ:

• გაეცნო წინამდებარე გამოყენების წესებს;
• ეთანხმება მათ;
• გაეცნო REDNET-ის კონფიდენციალურობის პოლიტიკას;
• მის მიერ წარმოდგენილი ინფორმაცია სწორია;
• აქვს შესაბამისი სამართლებრივი უფლებამოსილება ანგარიშის შესაქმნელად და მომსახურების შესაძენად.

2.4. მომხმარებელი პასუხისმგებელია საკუთარი ანგარიშის ავტორიზაციის მონაცემების უსაფრთხოებასა და კონფიდენციალურობაზე.

2.5. მომხმარებელი ვალდებულია დაუყოვნებლივ აცნობოს REDNET-ს ანგარიშის არასანქცირებული გამოყენების ან უსაფრთხოების შესაძლო დარღვევის შესახებ.

03მომსახურების შეკვეთა და აქტივაცია

3.1. მომხმარებელი თავად ირჩევს მომსახურებას, პაკეტს, მომსახურების ვადასა და დამატებით პარამეტრებს REDNET-ის ვებგვერდზე ან მართვის პანელში განთავსებული ინფორმაციის საფუძველზე.

3.2. მომსახურების ფასი, ტექნიკური მახასიათებლები, გამოყოფილი რესურსები და მომსახურების პერიოდი მითითებულია შესაბამისი მომსახურების შეძენის გვერდზე.

3.3. ჰოსტინგისა და VPS მომსახურების აქტივაცია მომხმარებლის მოთხოვნით შეიძლება დაიწყოს შეკვეთისა და შესაბამისი გადახდის დადასტურებისთანავე.

3.4. მომსახურების დაუყოვნებლივი აქტივაციის მოთხოვნით მომხმარებელი ადასტურებს, რომ სურს მომსახურების მიწოდება დაიწყოს კანონით გათვალისწინებული ხელშეკრულებაზე უარის თქმის ვადის გასვლამდე.

3.5. ცალკეული მომსახურებების აქტივაციას შესაძლოა დასჭირდეს დამატებითი ტექნიკური დამუშავება, ინფორმაციის დადასტურება ან მესამე მხარის მომსახურების შესრულება.

04ფასები და გადახდა

4.1. მომსახურების მოქმედი ფასი მითითებულია REDNET-ის ვებგვერდზე ან მომხმარებლის მართვის პანელში შეკვეთის მომენტში.

4.2. მომსახურების საბოლოო ღირებულება მომხმარებელს ეცნობება შეკვეთის დადასტურებამდე.

4.3. მომხმარებელი ვალდებულია მომსახურების საფასური გადაიხადოს განსაზღვრულ ვადაში.

4.4. ხელმისაწვდომი გადახდის მეთოდები მითითებულია REDNET-ის ვებგვერდზე ან მართვის პანელში.

4.5. სხვადასხვა საანგარიშო პერიოდისთვის შესაძლოა მოქმედებდეს განსხვავებული ფასი ან ფასდაკლება.

4.6. კონკრეტული აქციის, სპეციალური შეთავაზების ან ფასდაკლების პირობები განისაზღვრება შესაბამის შეთავაზებაში.

4.7. მომხმარებლის მიერ პაკეტის შეძენისთვის გადახდილი თანხა წარმოადგენს კონკრეტული მომსახურების პაკეტის საფასურს და არა მომხმარებლის ანგარიშზე განთავსებულ ბალანსს, დეპოზიტს ან თანხობრივ კრედიტს.

4.8. მომსახურების ფარგლებში განხორციელებული საბარათე ოპერაციის შესრულებისთვის ბანკი ბარათის მფლობელს დაუწესებს დამატებით საკომისიოს, რომლის ოდენობა განისაზღვრება ბანკის მიერ ერთპიროვნულად და საკუთარი შეხედულებისამებრ. ამასთან, ბანკი უფლებამოსილია ნებისმიერ დროს, ერთპიროვნულად და საკუთარი შეხედულებისამებრ, გაზარდოს ან შეამციროს ბარათის მფლობელის საკომისიო.

05მომსახურების ვადა და განახლება

5.1. მომსახურება მოქმედებს მომხმარებლის მიერ არჩეული და გადახდილი პერიოდის განმავლობაში.

5.2. მომსახურების განახლებისთვის მომხმარებელი ვალდებულია შესაბამისი საფასური გადაიხადოს არსებული მომსახურების ვადის დასრულებამდე ან REDNET-ის მიერ განსაზღვრულ დამატებით ვადაში.

5.3. თუ კონკრეტულ მომსახურებაზე მომხმარებელს გააქტიურებული აქვს ავტომატური განახლება, მომსახურების საფასური შეიძლება ავტომატურად ჩამოიჭრას მომხმარებლის მიერ არჩეული გადახდის მეთოდიდან.

5.4. მომხმარებელს შეუძლია ავტომატური განახლების გამორთვა შესაბამისი მომსახურების მართვის გვერდიდან, თუ აღნიშნული ფუნქცია კონკრეტული მომსახურებისთვის ხელმისაწვდომია.

5.5. REDNET უფლებამოსილია შეცვალოს მომსახურების ფასი მომავალი საანგარიშო პერიოდებისთვის. ახალი ფასი არ ვრცელდება უკვე სრულად გადახდილ მიმდინარე პერიოდზე.

06თანხის დაბრუნების პოლიტიკა

6.1. მომსახურების გაუქმება და გადახდილი თანხის სრულად დაბრუნება შესაძლებელია მომსახურების საფასურის გადახდიდან 3 კალენდარული დღის განმავლობაში, თუ კონკრეტული მომსახურებისთვის წინამდებარე წესებით ან შესაბამისი მომსახურების პირობებით სხვაგვარად არ არის განსაზღვრული.

6.2. 3-დღიანი ვადა აითვლება მომსახურების საფასურის წარმატებით გადახდის მომენტიდან.

6.3. თანხის დაბრუნების მოთხოვნა მომხმარებელმა უნდა წარადგინოს REDNET-ის მხარდაჭერის შესაბამისი არხის მეშვეობით 3-დღიანი ვადის ამოწურვამდე.

6.4. REDNET-ის 3-დღიანი თანხის დაბრუნების პოლიტიკა წარმოადგენს დამატებით კომერციულ პირობას და არ ზღუდავს მომხმარებლის იმ უფლებებს, რომლებიც მას საქართველოს მოქმედი კანონმდებლობით აქვს მინიჭებული.

6.5. უკვე შესრულებული დომენის რეგისტრაციის, განახლების, ტრანსფერის ან სხვა ისეთი მომსახურების საფასური, რომელიც უკვე შესრულებულია მესამე მხარის მონაწილეობით ან რომლის ღირებულებაც უკვე გადახდილია მესამე მხარისთვის, შესაძლოა არ ექვემდებარებოდეს თანხის დაბრუნებას, გარდა კანონმდებლობით გათვალისწინებული შემთხვევებისა.

6.6. თანხის დაბრუნების შემთხვევაში დაბრუნებას ექვემდებარება შესაბამისი წესებით განსაზღვრული თანხა. პაკეტის ნაწილობრივი ღირებულების დაბრუნება მხოლოდ გამოუყენებელი დღეების ან პერიოდის პროპორციულად არ ხდება, გარდა კანონით პირდაპირ გათვალისწინებული შემთხვევისა.

073, 6 და 12-თვიანი პაკეტები

7.1. 3-, 6- ან 12-თვიანი პაკეტის შეძენისას მომხმარებელი იძენს შესაბამისი ვადით განსაზღვრულ მომსახურების პაკეტს ერთიანი პირობებითა და ფასით.

7.2. პაკეტის ღირებულება არ წარმოადგენს მომხმარებლის ანგარიშზე განთავსებულ ბალანსს, დეპოზიტს ან თანხობრივ კრედიტს.

7.3. მომხმარებლის მიერ შეძენილი 3-, 6- ან 12-თვიანი პაკეტის მოქმედების პერიოდში მომსახურების ვადამდე გაუქმების შემთხვევაში პაკეტის ღირებულების სრულად ან ნაწილობრივ დაბრუნება არ ხდება, გარდა:

• წინამდებარე წესებით გათვალისწინებული 3-დღიანი თანხის დაბრუნების პერიოდისა;
• საქართველოს მოქმედი კანონმდებლობით პირდაპირ გათვალისწინებული შემთხვევებისა;
• REDNET-ის მიერ ინდივიდუალურად მიღებული გადაწყვეტილებისა.

7.4. პაკეტის ნაწილობრივ გამოყენება მომხმარებელს არ ანიჭებს უფლებას მოითხოვოს დარჩენილი დღეების ან პერიოდის პროპორციული ღირებულების დაბრუნება, რადგან მომხმარებელი იძენს წინასწარ განსაზღვრული ვადის მომსახურების პაკეტს და არა ანგარიშზე დასახარჯ თანხას ან ბალანსს.

7.5. 3-დღიანი თანხის დაბრუნების პერიოდის გასვლის შემდეგ შეძენილი 3-, 6- ან 12-თვიანი პაკეტი თანხის დაბრუნებას არ ექვემდებარება, გარდა საქართველოს მოქმედი კანონმდებლობით პირდაპირ გათვალისწინებული შემთხვევებისა.

08პაკეტის Upgrade და Downgrade

8.1. მომხმარებელს შეუძლია მოქმედი მომსახურების პაკეტის Upgrade ნებისმიერ დროს, შესაბამისი ტექნიკური შესაძლებლობის არსებობის შემთხვევაში.

8.2. Upgrade-ის დროს მოქმედ პაკეტზე დარჩენილი გამოუყენებელი ღირებულება გათვალისწინებული იქნება ახალი პაკეტის პირობებისა და მომსახურების დარჩენილი ვადის გადაანგარიშებისას.

8.3. ახალი პაკეტის მომსახურების ვადა გადაითვლება:

• მოქმედ პაკეტზე დარჩენილი მომსახურების ღირებულების;
• ახალი პაკეტის მოქმედი ფასის;
• და საჭიროების შემთხვევაში მომხმარებლის მიერ დამატებით გადახდილი თანხის შესაბამისად.

8.4. Upgrade-ის შედეგად შესაძლოა შეიცვალოს მომსახურების მოქმედების ან შემდეგი განახლების თარიღი.

8.5. უკვე აქტიური პაკეტის Downgrade შეუძლებელია. რესურსების, მათ შორის დისკის მოცულობის შემცირება, შესაძლოა საჭიროებდეს დისკის დანაყოფის, ფაილური სისტემის ან მომსახურების სხვა ტექნიკური პარამეტრების ცვლილებას, რაც დაკავშირებულია მონაცემების დაკარგვისა და სისტემის სტაბილურობის დარღვევის რისკთან. აღნიშნული ტექნიკური და უსაფრთხოების მიზეზების გამო REDNET არ უზრუნველყოფს უკვე აქტიური ჰოსტინგის ან VPS პაკეტის Downgrade-ს.

09ჰოსტინგის 3-დღიანი სატესტო პერიოდი

9.1. REDNET-ის მიერ განსაზღვრულ ჰოსტინგის პაკეტებზე შესაძლოა ხელმისაწვდომი იყოს 3 კალენდარული დღის უფასო სატესტო პერიოდი.

9.2. სატესტო პერიოდის განმავლობაში მომხმარებელს შეუძლია შეამოწმოს შესაბამისი ჰოსტინგის მომსახურება თანხის წინასწარი გადახდის გარეშე.

9.3. სატესტო პერიოდის დასრულების შემდეგ მომხმარებელს ეძლევა დამატებით 3 კალენდარული დღე შესაბამისი მომსახურების საფასურის გადასახდელად.

9.4. თუ მომხმარებელი დამატებით 3-დღიან ვადაში არ გადაიხდის მომსახურების საფასურს:

• სატესტო მომსახურება გაუქმდება;
• შესაბამისი ჰოსტინგის ჩანაწერი წაიშლება;
• სერვერზე განთავსებული ფაილები, მონაცემთა ბაზები, ელექტრონული ფოსტა და სხვა მონაცემები შეიძლება საბოლოოდ წაიშალოს.

9.5. მომსახურების გაუქმებისა და მონაცემების წაშლის შემდეგ მათი აღდგენა გარანტირებული არ არის.

9.6. ჰოსტინგის 3-დღიანი სატესტო პერიოდი და REDNET-ის 3-დღიანი თანხის დაბრუნების პოლიტიკა ერთმანეთისგან დამოუკიდებელი პირობებია.

9.7. სატესტო პერიოდი მომხმარებელს არ აძლევს უფლებას მოითხოვოს ამ პერიოდში განთავსებული მონაცემების განუსაზღვრელი ვადით შენახვა სატესტო მომსახურების დასრულების შემდეგ.

10გადაუხდელობა და მომსახურების შეჩერება

10.1. მომხმარებელი პასუხისმგებელია მომსახურების დროულად განახლებასა და შესაბამისი საფასურის გადახდაზე.

10.2. თუ მომსახურების საფასური განსაზღვრულ ვადაში არ გადაიხდება, REDNET უფლებამოსილია შეაჩეროს შესაბამისი მომსახურება.

10.3. მომსახურების შეჩერების პერიოდში მომხმარებლის ვებსაიტი, VPS, ელექტრონული ფოსტა ან სხვა დაკავშირებული მომსახურება შესაძლოა დროებით მიუწვდომელი გახდეს.

10.4. თუ მომხმარებელი გადახდის ვადის ამოწურვიდან 3 კალენდარული თვის განმავლობაში არ დაფარავს დავალიანებას და არ განაახლებს მომსახურებას, REDNET უფლებამოსილია მომსახურება საბოლოოდ გააუქმოს.

10.5. მომსახურების საბოლოოდ გაუქმებისას REDNET უფლებამოსილია წაშალოს მომსახურებასთან დაკავშირებული მონაცემები, მათ შორის:

• ჰოსტინგის ანგარიში;
• VPS ან სხვა ვირტუალური რესურსი;
• ვებგვერდის ფაილები;
• მონაცემთა ბაზები;
• ელექტრონული ფოსტის ანგარიშები და შეტყობინებები;
• სარეზერვო ასლები;
• მომხმარებლის მიერ სერვერზე განთავსებული სხვა მონაცემები.

10.6. მომსახურების საბოლოო გაუქმებისა და მონაცემების წაშლის შემდეგ ინფორმაციის აღდგენა გარანტირებული არ არის.

10.7. თუ ტექნიკური გარემოებების გამო მონაცემების აღდგენა ჯერ კიდევ შესაძლებელია, REDNET-ს შეუძლია მომხმარებლის მოთხოვნის საფუძველზე სცადოს მათი აღდგენა. ასეთი მომსახურება შესაძლოა იყოს ფასიანი, რის შესახებაც მომხმარებელს ეცნობება აღდგენის სამუშაოების დაწყებამდე.

10.8. REDNET არ იძლევა გარანტიას, რომ მონაცემების აღდგენის მცდელობა წარმატებული იქნება.

10.9. მომხმარებელი თავად არის პასუხისმგებელი მომსახურების შეჩერებამდე, გათიშვამდე ან გაუქმებამდე მისთვის მნიშვნელოვანი ინფორმაციის დამოუკიდებელი სარეზერვო ასლების შენახვაზე.

11Backup და მონაცემების დაცვა

11.1. თუ კონკრეტული მომსახურების აღწერაში პირდაპირ არ არის მითითებული სხვაგვარად, REDNET-ის მიერ შექმნილი სარეზერვო ასლები წარმოადგენს დამატებით ტექნიკურ შესაძლებლობას და არ ცვლის მომხმარებლის პასუხისმგებლობას საკუთარი მონაცემების უსაფრთხო ასლების შენახვაზე.

11.2. მომხმარებელს რეკომენდებულია მნიშვნელოვანი ფაილების, მონაცემთა ბაზებისა და სხვა მონაცემების დამოუკიდებელი სარეზერვო ასლების რეგულარულად შექმნა.

11.3. REDNET არ იძლევა გარანტიას, რომ ნებისმიერი კონკრეტული სარეზერვო ასლი მუდმივად ხელმისაწვდომი ან ტექნიკურად აღდგენადი იქნება, გარდა იმ შემთხვევისა, როდესაც კონკრეტული მომსახურების პირობებით ასეთი გარანტია პირდაპირ არის გათვალისწინებული.

12მომსახურების დასაშვები გამოყენება

12.1. მომხმარებელი ვალდებულია REDNET-ის მომსახურება გამოიყენოს საქართველოს მოქმედი კანონმდებლობისა და წინამდებარე წესების შესაბამისად.

12.2. აკრძალულია REDNET-ის ინფრასტრუქტურის ისეთი გამოყენება, რომელიც:

• არღვევს მოქმედ კანონმდებლობას;
• არღვევს მესამე პირის უფლებებს;
• საფრთხეს უქმნის REDNET-ის ან მესამე პირის სისტემების უსაფრთხოებას;
• მიზნად ისახავს სისტემებზე უნებართვო წვდომას;
• შეიცავს მავნე პროგრამულ კოდს;
• გამოიყენება phishing-ის, malware-ის ან სხვა უკანონო კიბერაქტივობისთვის;
• წარმოქმნის ინფრასტრუქტურისთვის არასათანადო ან საზიანო დატვირთვას;
• არღვევს მესამე პირის ინტელექტუალური საკუთრების უფლებებს;
• გამოიყენება არასასურველი მასობრივი შეტყობინებების გავრცელებისთვის მოქმედი კანონმდებლობის დარღვევით.

12.3. მომხმარებელი პასუხისმგებელია საკუთარი ანგარიშისა და მომსახურების ფარგლებში განთავსებულ მასალებსა და განხორციელებულ მოქმედებებზე.

12.4. VPN სერვერის/სერვისის გამოყენება დაშვებულია მხოლოდ პირადი ან საგანმანათლებლო მიზნებისთვის. საქართველოს კანონმდებლობისა და კომუნიკაციების სფეროში მოქმედი რეგულაციების შესაბამისად, VPN/Proxy სერვისის კომერციული მიზნით მომსახურების გაწევა ექვემდებარება შესაბამის რეგულირებას და ავტორიზაციის მოთხოვნებს.

12.5. REDNET-ის სერვისებზე ფიქსირებული თვიური ტრაფიკის ან გამტარუნარიანობის ლიმიტი დაწესებული არ არის. ამასთან, ჩვენი ქსელი გათვლილია პროექტების ნორმალური დატვირთვით მუშაობისთვის და დაუშვებელია ისეთი პროექტები, რომლებიც აგენერირებს ან წარმოქმნის ტრაფიკის გადაჭარბებულ მოცულობას. თუ დაფიქსირდება, რომ ჰოსტინგი ან VPS აგენერირებს უჩვეულოდ მაღალ ტრაფიკს და ქსელს გადატვირთავს, REDNET იტოვებს უფლებას შეჩეროს მომსახურება და დაიბლოკოს სერვისი.

13მომსახურების შეჩერება დარღვევის შემთხვევაში

13.1. REDNET უფლებამოსილია დროებით შეაჩეროს მომსახურება, თუ მომხმარებელი არღვევს წინამდებარე წესებს ან მომსახურების გამოყენება საფრთხეს უქმნის REDNET-ის, მისი მომხმარებლების ან მესამე პირების ინფრასტრუქტურას.

13.2. ჩვეულებრივ შემთხვევაში REDNET შეეცდება მომხმარებელს აცნობოს დარღვევის შესახებ და მისცეს გონივრული ვადა პრობლემის გამოსასწორებლად.

13.3. REDNET უფლებამოსილია მომსახურება დაუყოვნებლივ შეაჩეროს წინასწარი შეტყობინების გარეშე, თუ:

• არსებობს მნიშვნელოვანი ინფორმაციული უსაფრთხოების რისკი;
• მიმდინარეობს ან სავარაუდოდ მიმდინარეობს სისტემაზე შეტევა;
• მომსახურება გამოიყენება აშკარად უკანონო საქმიანობისთვის;
• მომსახურების გაგრძელება საფრთხეს უქმნის REDNET-ის სხვა მომხმარებლებს ან ინფრასტრუქტურას;
• REDNET ვალდებულია შეასრულოს სასამართლოს, სამართალდამცავი, ადმინისტრაციული ან სხვა უფლებამოსილი ორგანოს კანონიერი მოთხოვნა.

13.4. შესაბამისი გარემოების აღმოფხვრის შემდეგ REDNET უფლებამოსილია აღადგინოს მომსახურება.

14დომენური სახელები

14.1. დომენური სახელის რეგისტრაცია და მართვა შეიძლება დამოკიდებული იყოს შესაბამისი დომენური ზონის ადმინისტრატორის, რეესტრის, რეგისტრატორის ან სხვა მესამე მხარის წესებზე.

14.2. დომენის რეგისტრაციის მოთხოვნის წარდგენა არ ნიშნავს, რომ კონკრეტული დომენი აუცილებლად დარეგისტრირდება.

14.3. დომენის რეგისტრაცია დასრულებულად ითვლება მხოლოდ შესაბამის რეესტრში მისი წარმატებით რეგისტრაციის შემდეგ.

14.4. მომხმარებელი პასუხისმგებელია დომენის რეგისტრაციისთვის წარმოდგენილი ინფორმაციის სისწორეზე.

14.5. მომხმარებელი პასუხისმგებელია დომენის მოქმედების ვადის დროულად განახლებაზე.

14.6. დომენის მოქმედების ვადის გასვლის შემთხვევაში მისი აღდგენა ან ხელახალი რეგისტრაცია შეიძლება დამოკიდებული იყოს შესაბამისი რეესტრის წესებზე, დომენის ხელმისაწვდომობასა და დამატებით საფასურზე.

14.7. REDNET ვერ იძლევა გარანტიას, რომ ვადაგასული დომენის აღდგენა ან იმავე მომხმარებლის მიერ ხელახალი რეგისტრაცია შესაძლებელი იქნება.

14.8. უკვე შესრულებული დომენის რეგისტრაციის, განახლების ან ტრანსფერის ოპერაციის თანხა, როგორც წესი, არ ექვემდებარება დაბრუნებას, თუ შესაბამისი ოპერაცია უკვე შესრულებულია ან თანხა გადახდილია მესამე მხარისთვის, გარდა კანონით გათვალისწინებული შემთხვევებისა.

15მომსახურების ხელმისაწვდომობა და ტექნიკური სამუშაოები

15.1. REDNET მიზნად ისახავს მომსახურების მაქსიმალურად უწყვეტ და სტაბილურ მიწოდებას.

15.2. მომსახურება შესაძლოა დროებით შეიზღუდოს დაგეგმილი ან გადაუდებელი ტექნიკური სამუშაოების, განახლების, უსაფრთხოების ღონისძიებების ან სხვა ტექნიკური მიზეზების გამო.

15.3. დაგეგმილი მნიშვნელოვანი ტექნიკური სამუშაოების შემთხვევაში REDNET შეძლებისდაგვარად წინასწარ აცნობებს მომხმარებლებს.

15.4. მომსახურების ხელმისაწვდომობის კონკრეტული გარანტია, თუ ასეთი არსებობს, განისაზღვრება შესაბამისი მომსახურების SLA-ით ან სპეციალური პირობებით.

16მესამე მხარის მომსახურებები

16.1. REDNET-ის მომსახურების ნაწილი შესაძლოა დაკავშირებული იყოს მესამე მხარის სისტემებთან, პროგრამულ უზრუნველყოფასთან, რეესტრებთან, მონაცემთა ცენტრებთან, გადახდის პროვაიდერებთან ან სხვა სერვისებთან.

16.2. მესამე მხარის მომსახურებაზე შესაძლოა დამატებით გავრცელდეს შესაბამისი მესამე მხარის წესები.

16.3. REDNET არ არის პასუხისმგებელი მესამე მხარის სისტემის შეფერხებაზე იმ ფარგლებში, რომელშიც აღნიშნული გარემოება REDNET-ის გონივრულ კონტროლს სცდება.

17პასუხისმგებლობა

17.1. REDNET პასუხისმგებელია საკუთარი ვალდებულებების შესრულებაზე საქართველოს მოქმედი კანონმდებლობის შესაბამისად.

17.2. REDNET არ არის პასუხისმგებელი მომსახურების შეფერხებაზე ან მონაცემების დაკარგვაზე იმ ფარგლებში, რომელშიც აღნიშნული გამოწვეულია:

• მომხმარებლის მოქმედებით ან უმოქმედობით;
• მომხმარებლის მიერ არასწორი კონფიგურაციით;
• ავტორიზაციის მონაცემების არასათანადო დაცვით;
• მომხმარებლის პროგრამული უზრუნველყოფით;
• მესამე მხარის მომსახურების შეფერხებით;
• ისეთი გარემოებით, რომელიც REDNET-ის გონივრულ კონტროლს სცდება.

17.3. მომხმარებელი პასუხისმგებელია მის მიერ REDNET-ის ინფრასტრუქტურაზე განთავსებული კონტენტის კანონიერებაზე.

17.4. წინამდებარე წესების არცერთი პირობა არ გამორიცხავს ან ზღუდავს REDNET-ის პასუხისმგებლობას იმ შემთხვევაში და იმ მოცულობით, როდესაც ასეთი შეზღუდვა დაუშვებელია საქართველოს მოქმედი კანონმდებლობით.

18ფორსმაჟორი

18.1. REDNET არ აგებს პასუხს ვალდებულების შეუსრულებლობაზე ან დაგვიანებაზე იმ ფარგლებში, რომელშიც აღნიშნული გამოწვეულია REDNET-ის გონივრულ კონტროლს მიღმა არსებული გარემოებით.

18.2. ასეთ გარემოებებს შეიძლება მიეკუთვნებოდეს ბუნებრივი კატასტროფა, მასშტაბური ელექტროენერგიის ან საკომუნიკაციო ქსელის გათიშვა, მონაცემთა ცენტრის მასშტაბური ავარია, სახელმწიფო ორგანოს სავალდებულო გადაწყვეტილება ან სხვა მსგავსი გარემოება.

18.3. REDNET შესაძლებლობის ფარგლებში მიიღებს გონივრულ ზომებს მომსახურების აღსადგენად.

19მომხმარებლის მიერ მომსახურების გაუქმება

19.1. მომხმარებელს შეუძლია გააუქმოს მომსახურება REDNET-ის მართვის პანელიდან ან მხარდაჭერის სამსახურისთვის შესაბამისი მოთხოვნის გაგზავნით.

19.2. მომსახურების გაუქმება თავისთავად არ გულისხმობს უკვე გადახდილი თანხის დაბრუნებას.

19.3. თანხის დაბრუნება ხდება წინამდებარე წესების მე-6 და მე-7 მუხლებისა და საქართველოს მოქმედი კანონმდებლობის შესაბამისად.

19.4. 3-, 6- და 12-თვიანი პაკეტის მომხმარებლის ინიციატივით ვადამდე გაუქმება არ წარმოშობს დარჩენილი პერიოდის ღირებულების პროპორციულად დაბრუნების უფლებას, გარდა წინამდებარე წესებით ან მოქმედი კანონმდებლობით პირდაპირ გათვალისწინებული შემთხვევისა.

19.5. მომსახურების გაუქმებამდე მომხმარებელი ვალდებულია თავად შეინახოს მისთვის საჭირო მონაცემები.

20მომხმარებლის კანონით გათვალისწინებული უარის თქმის უფლება

20.1. თუ მომხმარებელი წარმოადგენს ფიზიკურ პირს, რომელიც მომსახურებას პირადი მიზნებისთვის იძენს და მასზე ვრცელდება მომხმარებლის უფლებების დაცვის შესახებ საქართველოს კანონმდებლობა, მას აქვს კანონით გათვალისწინებული უფლებები დისტანციურ ხელშეკრულებაზე უარის თქმასთან დაკავშირებით.

20.2. კანონით გათვალისწინებულ შემთხვევებში მომხმარებელს შეიძლება ჰქონდეს დისტანციურ ხელშეკრულებაზე უარის თქმის 14 კალენდარული დღის ვადა.

20.3. აღნიშნული უფლება მოქმედებს საქართველოს კანონმდებლობით განსაზღვრული პირობებისა და გამონაკლისების შესაბამისად.

20.4. თუ მომხმარებელს სურს ჰოსტინგის, VPS-ის ან სხვა მომსახურების მიწოდების დაწყება კანონით გათვალისწინებული უარის თქმის ვადის გასვლამდე, მან მომსახურების შეძენისას ცხადად უნდა დაადასტუროს შესაბამისი მოთხოვნა.

20.5. თუ მომსახურება კანონით დადგენილი წესით სრულად შესრულდა მომხმარებლის წინასწარი მოთხოვნისა და შესაბამისი თანხმობის საფუძველზე, გამოიყენება კანონმდებლობით გათვალისწინებული წესები და გამონაკლისები.

20.6. წინამდებარე წესებით განსაზღვრული REDNET-ის 3-დღიანი თანხის დაბრუნების პოლიტიკა არ ზღუდავს მომხმარებლის სავალდებულო კანონიერ უფლებებს.

21პერსონალური მონაცემები

21.1. REDNET მომხმარებლის პერსონალურ მონაცემებს ამუშავებს საქართველოს მოქმედი კანონმდებლობისა და REDNET-ის კონფიდენციალურობის პოლიტიკის შესაბამისად.

21.2. ანგარიშის შექმნით მომხმარებელი ადასტურებს, რომ გაეცნო REDNET-ის კონფიდენციალურობის პოლიტიკას.

21.3. კონფიდენციალურობის პოლიტიკა წარმოადგენს დამოუკიდებელ დოკუმენტს და ხელმისაწვდომია REDNET-ის ვებგვერდზე.

22შეტყობინებები

22.1. REDNET უფლებამოსილია მომხმარებელს მომსახურებასთან დაკავშირებული მნიშვნელოვანი შეტყობინებები გაუგზავნოს:

• ანგარიშში მითითებულ ელექტრონულ ფოსტაზე;
• მომხმარებლის მართვის პანელში;
• ან სხვა საკომუნიკაციო არხით, რომელიც მომხმარებელმა REDNET-ს მიაწოდა.

22.2. მომხმარებელი პასუხისმგებელია საკუთარი საკონტაქტო ინფორმაციის სისწორესა და განახლებაზე.

22.3. მომსახურების ტექნიკური, უსაფრთხოების, ბილინგის ან სამართლებრივი ხასიათის შეტყობინებები არ ითვლება სარეკლამო კომუნიკაციად.

23გამოყენების წესების ცვლილება

23.1. REDNET უფლებამოსილია პერიოდულად განაახლოს წინამდებარე წესები კანონმდებლობის, მომსახურებების, ტექნიკური გარემოს ან ბიზნესპროცესების ცვლილების შესაბამისად.

23.2. არსებითი ცვლილებების შემთხვევაში REDNET მომხმარებელს აცნობებს შესაბამისი საშუალებით, მათ შორის ვებგვერდის, მართვის პანელის ან ელექტრონული ფოსტის საშუალებით.

23.3. წესების მოქმედი ვერსია და ბოლო განახლების თარიღი გამოქვეყნდება REDNET-ის ვებგვერდზე.

23.4. წესების ცვლილება არ ზღუდავს მომხმარებლის უკვე წარმოშობილ სავალდებულო კანონიერ უფლებებს.

24ინტელექტუალური საკუთრება

24.1. REDNET-ის ვებგვერდის დიზაინი, პროგრამული კომპონენტები, ტექსტები, გრაფიკული მასალები, სავაჭრო ნიშნები და სხვა შესაბამისი მასალები დაცულია მოქმედი კანონმდებლობით, გარდა იმ მასალისა, რომელიც ეკუთვნის მესამე პირს.

24.2. მომხმარებელს არ აქვს უფლება REDNET-ის წერილობითი თანხმობის გარეშე გამოიყენოს REDNET-ის ინტელექტუალური საკუთრება იმ ფარგლებს მიღმა, რაც აუცილებელია მომსახურებით ჩვეულებრივი სარგებლობისთვის.

24.3. მომხმარებელი ინარჩუნებს უფლებებს საკუთარ მასალაზე, რომელსაც REDNET-ის მომსახურების ფარგლებში განათავსებს.

25საჩივარი და დავის გადაწყვეტა

25.1. მომსახურებასთან დაკავშირებული პრეტენზიის შემთხვევაში მომხმარებელს შეუძლია მიმართოს REDNET-ის მხარდაჭერის სამსახურს.

25.2. REDNET მომხმარებლის მოთხოვნას განიხილავს და შესაბამის პასუხს მიაწვდის გონივრულ ვადაში.

25.3. თუ მხარეებს შორის შეთანხმების მიღწევა ვერ მოხერხდება, მომხმარებელს შეუძლია გამოიყენოს საქართველოს კანონმდებლობით მისთვის მინიჭებული სამართლებრივი დაცვის საშუალებები.

25.4. წინამდებარე წესებსა და REDNET-სა და მომხმარებელს შორის ურთიერთობაზე ვრცელდება საქართველოს კანონმდებლობა.

25.5. დავა განიხილება საქართველოს კანონმდებლობით დადგენილი წესით.

26დასკვნითი დებულებები

26.1. თუ წინამდებარე წესების რომელიმე დებულება ჩაითვლება ბათილად ან აღუსრულებლად, აღნიშნული არ იწვევს დანარჩენი დებულებების ბათილობას.

26.2. კონკრეტულ მომსახურებაზე შესაძლოა დამატებით გავრცელდეს სპეციალური პირობები, SLA ან სხვა წესები. ასეთ შემთხვევაში შესაბამისი პირობები მომხმარებლისთვის ხელმისაწვდომი უნდა იყოს მომსახურების შეძენამდე.

26.3. წინამდებარე წესები ძალაში შედის REDNET-ის ვებგვერდზე მათი გამოქვეყნების დღიდან.

26.4. REDNET-ის ანგარიშის შექმნა წარმოადგენს წინამდებარე წესებზე მომხმარებლის თანხმობას.

26.5. მომსახურების შეძენისას მომხმარებელი დამატებით ადასტურებს კონკრეტული მომსახურების ფასს, პერიოდს, მახასიათებლებსა და შესაბამის სპეციალურ პირობებს.