წესები და პირობები

აღნიშნული დოკუმენტი არეგულირებს ურთიერთობას საჰოსტინგო სერვისზე rednet.ge-ზე გაწევრიანებულ მომხმარებელს შორის და ამავდროულად განსაზღვრავს rednet.ge-ზე შემოთავაზებული სერვისებით სარგებლობის წესებსა და პირობებს. მომხმარებელი რეგისტრაციამდე ვალდებულია ყურადღებით გაეცნოს აღნიშნულ წესებსა და პირობებს. რეგისტრაციის მომენტიდან ურთიერთ თანმშრომლობა განსაზღვრული იქნება წინამდებარე დოკუმენტით.

პროვაიდერი - შპს "კონექტი" (ს/კ: 205275833), რეგისტრაციის მისამართი: ქ. თბილისი 0186, უნივერსიტეტის ქ. 17ა

მომხმარებელი - rednet.ge ელექტრონულ პორტალზე რეგისტრირებული ფიზიკური ან იურიდიული პირი

1. ტერმინთა განმარტება

1.1 სერვისი - პროვაიდერის მიერ შემოთავაზებული ძირითადი პროდუქტი ან მომსახურება (ვებ ჰოსტინგი ან ვირტუალური სერვერი).

1.2 დამატებითი სერვისი - პროვაიდერის მიერ შემოთავაზებული დამატებითი მომსახურება (სპეციალისტების მიერ სპეციალური პროგრამული უზრუნველყოფების ინსტალაცია, სისტემების კონფიგურაცია) ან და მომხმარებლის მიერ მოთხოვნილი მომსახურების გაწევა.

1.3 პირადი პანელი - id.rednet.ge - მომხმარებლებისთვის განკუთვნილი პირადი სივრცე, რითაც მომხმარებლები იღებენ წვდომას სერვისებზე.

1.4 პაკეტი - პროვაიდერის მიერ წინასწარ განსაზღვრული მომსახურების ტარიფი და მასში შემავალი ტექნიკური მახასიათებლები.

1.5 სერვისის უწყვეტი მუშაობა - 30 კალენდარული დღის 99.5% განმავლობაში სერვისის ინტერნეტ ქსელში უწყვეტად ფუნქციონირება.

1.6 პროვაიდერის NOC ჯგუფი - (Network Operations Center) ქსელის ოპერაციების ცენტრი.

2. სერვისებით სარგებლობა

2.1 საზიარო ჰოსტინგით სარგებლობა (cPanel ჰოსტინგი)

2.1.1 ჰოსტინგ ანგარიშის შექმნა - ახალი ჰოსტინგ ანგარიშის შექმნა შესაძლებელია მომხმარებლის პირადი პანელიდან.

2.1.2 საზიარო ჰოსტინგით სარგებლობა საცდელი პერიოდის განმავლობაში - ახალი ჰოსტინგ ანგარიშის შექმნისას, სერვისს ავტომატურად ენიჭება "დროებით აქტიური" სტატუსი, რაც გულისხმობს იმას, რომ სერვისი დროებით არის ჩართული 3 დღიანი გამოსაცდელი ვადის პერიოდით. იმ შემთხვევაში თუ მომსახურების საფასურის გადახდა არ მოხდება გამოსაცდელი ვადის ამოწურვამდე, სერვისი შეჩერდება, ხოლო შეჩერებიდან 5 კალენდარული დღის განმავლობაში გადაუხდელობის შემთხვევაში გაუქმდება.

2.1.3 სერვისის სრულად გააქტიურება - სერვისი სრულად გააქტიურდება პირველი ანგარიშსწორებისთანავე.

2.1.4 საზიარო ჰოსტინგის პაკეტები - მომხმარებლებს შეუძლიათ პროვაიდერის მიერ წინასწარ შემოთავაზებული ჰოსტინგ პაკეტებით სარგებლობა. მოხმარებელს უფლება აქვს მოითხოვოს განსხვავებული და მისთვის ხელსაყრელი ჰოსტინგ პაკეტი.

2.2 ვირტუალური სერვერით სარგებლობა

2.2.1 ვირტუალური სერვერის შეკვეთა - ვირტუალური სერვერის შეკვეთა შესაძლებელია მომხმარებლის პირადი პანელიდან. მოხმარებელს შესაძლებლობა აქვს აირჩიოს პროვაიდერის მიერ შემოთავაზებული ვირტუალური სერვერის პაკეტი ან მოითხოვოს მისთვის სასურველი პაკეტი. შეკვეთიდან 5 დღის განმავლობაში მოხმარებელს შეუძლია გადაიხადოს მომსახურების საფასური და დაიწყოს სარგებლობა ვირტუალური სერვერით. შეკვეთიდან 5 დღის შემდეგ, გადაუხდელობის შემთხვევაში შეკვეთა გაუქმდება.

2.3 [დამატებითი სერვისები]

3. მომხმარებლის უფლება-მოვალეობები

3.1 მომხმარებლის უფლება აქვს მოსთხოვოს პროვაიდერს ამ დოკუმენტით ნაკისრი ვალდებულებების სრულად და ჯეროვნად შესრულება;

3.2 შეუფერხებლად მიიღოს ინფორმაცია მომსახურების მიწოდების შეზღუდვისა და შეწყვეტის მიზეზებისა და ხანგრძლივობის თაობაზე, ისევე როგორც თუ რამ შეიძლება რაიმე სახის ზეგავლენა მოახდინოს მომსახურების ხარისხსა ან/და მის პირობებზე;

3.3 მომხმარებლის უფლება აქვს მოსთხოვოს პროვაიდერს ამ დოკუმენტით ნაკისრი ვალდებულებების სრულად და ჯეროვნად შესრულება;

3.4 პროვაიდერი მუდმივად (კვირაში ერთხელ - ყოველ კვირა დღეს) ახორციელებს მომხმარებლების სერვისებზე განთავსებული ინფორმაციის რეზერვირებას ყველანაირი საერთაშორისო დადგენილი სტანდარტების შესაბამისად, ხარვეზების შემთხვევაში ინფორმაციის დაუბრკოლებლად აღდგენის მიზნით, ამასთანავე რედნეტი ინახავს ბოლო 1 თვის სარეზერვო ასლებს. მიუხედავად ამისა, რადგან არ არსებობს 100%-იანი გარანტია ფაილების არდაზიანების ან/და არწაშლის, მომხმარებელი ვალდებულია პერიოდულად მოახდინოს მის მიერ სერვისზე განთავსებული ინფორმაციის რეზერვირება. პროვაიდერი არ იღებს პასუხისმგებლობას მომხმარებლის მიერ სერვერებზე განთავსებული ინფორმაციის დაკარგვაზე.

3.5 მომხმარებელი ვალდებულია დროულად მოახდინოს მომსახურების საფასურის გადახდა, რათა არ განხორციელდეს ამ დოკუმენტით გათვალისწინებული 5.1 და 6.3 მუხლით გათვალისწინებული სერვისის შეჩერებისა და შემდგომ გაუქმების პროცედურები.

3.6 მომხმარებელი იღებს ვალდებულებას არ ჩატვირთოს სერვერზე, არ გამოიყენოს გასაგზავნად ან არ განათავსოს ისეთი ინფორმაცია რომელიც:

• არის არაკანონიერი, მუქარის შემცველი, შეურაცხმყოფელი, რომლებიც არღვევს საავტორო უფლებებს, პროპაგანდას უწევს რასობრივ, რელიგიურ, სქესობრივ, სოციალურ დისკრიმინაციას და აღვივებს შუღლს, შეიცავს შეურაცყოფას კონკრეტული პირებისა და ორგანიზაციების მიმართ;

• არღვევს არასრულწლოვანთა უფლებებს ანდა რომლითაც შეიძლება მათთვის ნებისმიერი ფორმით ზიანის მიყენება;

• არღვევს ან ავიწროებს უმცირესობათა უფლებებს;

• რომლებზეც თქვენ არ გაგაჩნიათ უფლება გახადოთ საჯარო საქართველოს კანონმდებლობით, ან რომელიმე ხელშეკრულებით;

• რომლებიც ეხება რაიმე პატენტს, სავაჭრო ნიშანს, კომერციულ საიდუმლოებას ან არღვევს მესამე მხარის საავტორო უფლებებს;

• რომლებზეც შეიცავენ სპამს (მათ შორის საძიებო), უცხო ელექტრონულ მისამართებს;

• რომლებიც შეიცავენ ვირუსებსა და სხვა კომპიუტერულ კოდებს, ფაილებს და პროგრამებს, რომლებიც განსაზღვრულნი არიან პროგრამების, კომპიუტერებისა და ტელე საკომუნიკაციო მოწყობილობათა ფუნქციონალური შეზღუდვის, დარღვევისა თუ განადგურებისათვის. ასევე კომერციული პროგრამული პროდუქტების სერიული ნომრების, კოდების, ლოგინების, პაროლების ან სხვა რაიმე ინფორმაციის გამოქვეყნება, რაც ხელს შეუწყობს ინტერნეტის ფასიან რესურსებში არასანქცირებულ ხელმისაწვდომობას, აგრეთვე ზემოთაღნიშნულ ინფორმაციაზე ბმულების განთავსება;

• რომლებიც ეხება მესამე პირთა შესახებ პირად ინფორმაციას;

• შეიცავს საქართველოს კანონმდებლობისა და საერთაშორისო ნორმების შეგნებულ დარღვევას;

4. პროვაიდერის უფლება-მოვალეობები

4.1 პროვაიდერი ვალდებულია უზრუნველყოს მომხმარებლის სერვისის უწყვეტი მუშაობა.

4.2 პროვაიდერის NOC ჯგუფი ვალდებულია 24 საათის განმავლობაში მოახდინოს მთლიანი ქსელის მონიტორინგი, შეფერხებების შემთხვევაში გონივრულ ვადაში აღმოფხვრას ის, აგრეთვე მიაწოდოს მომხმარებელს ყველა ინფორმაცია შეფერხებისა და პრობლემის აღმოფხვრის ვადების შესახებ.

4.3 პროვაიდერი ვალდებულია უზრუნველყოს მომხმარებლის სერვისის უწყვეტი მუშაობა.

4.4 პროვაიდერს უფლება აქვს მოხმარებელს შეუჩეროს მომსახურების მიწოდება თუ მომსახურების მიღებისას მომხმარებელი ზიანს აყენებს პროვაიდერს ან მესამე პირებს, მომხმარებლის მხრიდან ადგილი აქვს: ქსელში უნებართვო ჩართვას, მომსახურების მიღება ხორციელდება მესამე პირთა პირადი ცხოვრების ან მათი სიმშვიდის შემლახავი, მუქარის შემცველი, მათთვის მატერიალური ზიანის მიმყენებელი, ცილისმწამებლური, შეურაცხმყოფელი ან სხვა ნებისმიერი მართლსაწინააღმდეგო ქმედებებით ან მომსახურებით სარგებლობისას აწარმოებს სპამის, დაუშვებელი პროდუქციის, კომპიუტერული ვირუსის, თაღლითური ან მავნე პროგრამების გავრცელებას ან გადამისამართებას ან ახორციელებს სხვა, მათ შორის მართლსაწინააღმდეგო ქმედებებს, მოგების მიღების მიზნით ან მომხმარებელი სხვაგვარად არღვევს კანონმდებლობით გათვალისწინებულ მოთხოვნებს.

5. სერვისის გაუქმება

5.1 მომხმარებლის მიერ სერვისით სარგებლობის წესების და პირობების დარღვევის შემთხვევაში, რომელიც მოცემული მესამე თავში პროვაიდაერი იტოვებს უფლებას გონივრულ ვადაში გააუქმოს მომხმარებლის ანგარიში. აღნიშნული მომხმარებელს ეცნობება მის პირად პანელში.

5.2 პროვაიდერის მიერ საქართველოს კანონმდებლობის შესაბამისად და ასევე 5.1 ქვეპუნქტის მიხედვით, გაუქმების შემთხვევაში აღნიშნული სერვისის აღდგენა შეუძლებელი იქნება.

5.3 სერვისი გაუქმდება იმ შემთხვევაში თუ გადაუხდელობის გამო შეჩერებულ სერვისზე 60 (სამოცი) კალენდარული დღის განმავლობაში არ განხორციელებულა გადახდა.

5.4 სერვისი გაუქმება მომხმარებლის მოთხოვნისას. მომხმარებელი პროვაიდერს საკუთარი პანელიდან ატყობინებს სერვისის გაუქმების მოთხოვნის შესახებ. აღნიშნული მოთხოვნის შემდეგ პროვაიდერ გონივრულ ვადაში აუქმებს სერვისს.

5.5 ზემოთ აღნიშნული ვითარების შემთხვევაში სერვისის გაუქმების შედეგად იშლება სერვისში არსებული ინფორმაცია და ამასთანვე მომხმარებლის მიერ წინასწარ გადახდილი სერვისის საფასური ავტომატურ დაბრუნებას არ ექვემდებარება.

6. ანგარიშსწორება და თანხის დაბრუნების პირობები:

6.1. მომსახურების მისაღებად ანგარიშსწორების განხორცილება შესაძლებელია შემდგები მეთოდებით:

6.1.1. ონლაინ გადახდა საბანკო ბარათის მეშვეობით (როგორ კომპანიებისთვის ასევე ფიზიკური პირებისთვის), პირადი საბანკო მონაცემების შეყვანა ხდება უშუალოდ ბანკის ვებ-გვერდზე, რაც სრულად უზრუნველყოფს მონაცემთა დაცვას და უსაფრთხოებას.

6.1.2. მომსახურების ღირებულების გადახდა საბანკო გადარიცხვის გზით ინვოისის საფუძველზე (როგორ კომპანიებისთვის ასევე ფიზიკური პირებისთვის), მომხმარებელს შეუძლია პირადი კაბინეტიდან სასურველი ვადით დააგენერიროს და ამობეჭდოს ინვოისი.

6.2. მომხმარებელს უფლება აქვს მოითხოვოს წინასწარ, ერთ თვეზე მეტი გადახდილი თანხის უკან დაბრუნება (გამოუყენებელი ბალანსი) იმ შემთხვევაში:

6.2.1. თუ მომხმარებელს არ გაეწია ან შეფერხებით გაეწია შესაბამისი მომსახურება;

6.2.2. თუ მომხმარებელმა სრულად გააუქმა მომსახურება ვადაზე ადრე;

6.3. თანხის დაბრუნების სურვილის შემთხვევაში საჭიროა მომხმარებელმა გამოაგზავნოს წერილი ელ. ფოსტის მისამართზე: info@connect.ge სადაც აღწერს მომსახურებას, დაბრუნების მიზეზს, მიუთითებს გადახდის თარიღს, გადახდის მეთოდს და დასაბრუნებელ თანხას.

6.4. პროვაიდერი ვალდებულია მომხმარებელს დასაბრუნებელი თანხა აუნაზღაუროს თანხის დაბრუნების განაცხადზე დასტურის პასუხის გაგზავნიდან 10 (ათი) სამუშაო დღის ვადაში იმავე ანგარიშზე საიდანაც მოხდა ბოლოს თანხის გადმორიცხვა;

6.5. ფასდაკლებული პაკეტის ყიდვის შემთხვევაში თანხის დაბრუნებისას მოხდება გახარჯეული თვეების სრულეად, ფასდაკლების გარეშე დაანგარიშება მიმდინარე თვის ჩათვლით, ხოლო დარჩენილი თანხა დაუბრუნდება მომხმარებელს უკან;

7. სხვა პირობები

პროვაიდერი იტოვებს უფლებას, ნებისმიერ დროს შეიტანოს ცვლილებები სერვისით სარგებლობის წესებსა და პირობებში, აღნიშნული ცვლილებები პროვაიდერის ვებ საიტზე ( rednet.ge/terms-of-use ) გამოქვეყნებისთანავე შედის ძალაში, ამავდროულად ცვლილებების შესახებ ინფორმაცია აბონენტებს აესახებათ პირად პანელში.

დოკუმენტის ბოლო ცვლილების თარიღია: 2025-01-04