კონფიდენციალურობის პოლიტიკა

01რა მონაცემებს ვაგროვებთ

მომსახურების მიწოდებისთვის შესაძლოა დავამუშაოთ შემდეგი კატეგორიის პერსონალური მონაცემები:

• სახელი და გვარი;
• ელექტრონული ფოსტა და ტელეფონის ნომერი;
• ანგარიშის და მომხმარებლის პროფილის მონაცემები;
• ბილინგისა და ანგარიშსწორებისთვის საჭირო ინფორმაცია;
• შეძენილი მომსახურებებისა და გადახდების ისტორია;
• დომენის რეგისტრაციისთვის საჭირო მონაცემები;
• REDNET-ის მხარდაჭერასთან მიმოწერა და მოთხოვნები;
• IP მისამართი, ავტორიზაციისა და უსაფრთხოების ლოგები;
• მოწყობილობის, ბრაუზერისა და ვებგვერდის გამოყენებასთან დაკავშირებული ტექნიკური ინფორმაცია.

ჩვენ ვცდილობთ შევაგროვოთ მხოლოდ ის მონაცემები, რომლებიც აუცილებელია შესაბამისი მიზნისთვის.

02რატომ ვამუშავებთ მონაცემებს

პერსონალურ მონაცემებს ვამუშავებთ შემდეგი მიზნებისთვის:

• მომხმარებლის ანგარიშის შექმნისა და მართვისთვის;
• ჰოსტინგის, VPS-ის, დომენისა და სხვა მომსახურებების მიწოდებისთვის;
• შეკვეთების, გადახდებისა და ბილინგის მართვისთვის;
• ტექნიკური მხარდაჭერის გასაწევად;
• მომხმარებელთან მომსახურებასთან დაკავშირებული კომუნიკაციისთვის;
• სისტემებისა და ანგარიშების უსაფრთხოების უზრუნველსაყოფად;
• თაღლითობის, არასანქცირებული წვდომისა და სხვა დარღვევების გამოვლენისა და პრევენციისთვის;
• სამართლებრივი და საგადასახადო ვალდებულებების შესასრულებლად;
• REDNET-ის მომსახურებისა და ვებგვერდის მუშაობის გასაუმჯობესებლად.

მონაცემთა დამუშავების სამართლებრივი საფუძველი, კონკრეტული შემთხვევის მიხედვით, შეიძლება იყოს:

• მომხმარებელთან ხელშეკრულების დადება ან შესრულება;
• REDNET-ის კანონით დაკისრებული ვალდებულების შესრულება;
• REDNET-ის ან მესამე პირის კანონიერი/ლეგიტიმური ინტერესის დაცვა;
• მომხმარებლის თანხმობა, როდესაც მონაცემთა დამუშავებისთვის თანხმობა აუცილებელია.

თუ მონაცემების მიწოდება აუცილებელია ანგარიშის შესაქმნელად ან კონკრეტული მომსახურების მისაღებად, მათი არმიწოდების შემთხვევაში შესაბამისი მომსახურების მიწოდება შესაძლოა შეუძლებელი იყოს.

03Cookies და ტექნიკური მონაცემები

REDNET იყენებს cookies-სა და მსგავს ტექნოლოგიებს ვებგვერდის გამართული მუშაობის, მომხმარებლის ავტორიზაციის, უსაფრთხოებისა და მომხმარებლის გამოცდილების გასაუმჯობესებლად.

აუცილებელი cookies საჭიროა ვებგვერდისა და მომხმარებლის ანგარიშის ძირითადი ფუნქციების მუშაობისთვის.

თუ REDNET იყენებს ისეთ ანალიტიკურ ან სხვა არასავალდებულო cookies-ს, რომელთა გამოყენებაც მომხმარებლის თანხმობას საჭიროებს, ისინი გამოიყენება შესაბამისი თანხმობის საფუძველზე.

მომხმარებელს ასევე შეუძლია cookies-ის მართვა საკუთარი ბრაუზერის პარამეტრებიდან. ზოგიერთი cookie-ის გამორთვამ შესაძლოა გავლენა მოახდინოს ვებგვერდის ცალკეული ფუნქციების მუშაობაზე.

ამჟამად ვებგვერდი rednet.ge იყენებს შემდეგ cookies-ს:

• rednet_consent — თქვენი არჩევანი cookies-ის შესახებ (აუცილებელი; ინახება 12 თვე);
• _GRECAPTCHA — Google reCAPTCHA, საკონტაქტო ფორმების დაცვა სპამისგან (აუცილებელი, უსაფრთხოება; მხოლოდ ფორმის შემცველ გვერდებზე; ინახება 6 თვე);
• _ga, _ga_* — Google Analytics 4, ვებგვერდის გამოყენების სტატისტიკა (ანალიტიკური; მხოლოდ თქვენი თანხმობით; ინახება 2 წლამდე).

ანალიტიკურ cookies-ზე თანხმობის მიცემა ან უკან გახმობა ნებისმიერ დროს შეგიძლიათ ვებგვერდის ქვედა ნაწილში ბმულით „Cookie პარამეტრები“. თანხმობამდე, ან უარის შემთხვევაში, ანალიტიკური cookies არ ინახება.

04ვის შეიძლება გავუზიაროთ მონაცემები

REDNET არ ყიდის მომხმარებლების პერსონალურ მონაცემებს.

მონაცემები შეიძლება გადაეცეს მხოლოდ იმ მოცულობით, რაც შესაბამისი მიზნისთვის აუცილებელია, მათ შორის:

• გადახდის მომსახურების პროვაიდერებს;
• დომენის რეგისტრატორებს, რეესტრებსა და შესაბამის ტექნიკურ პარტნიორებს;
• მონაცემთა ცენტრის, ინფრასტრუქტურისა და ტექნიკური მომსახურების პროვაიდერებს;
• REDNET-ის მომსახურების მიწოდებაში ჩართულ სხვა უფლებამოსილ დამუშავების მიმღებებს;
• სახელმწიფო, სასამართლო ან სამართალდამცავ ორგანოებს, როდესაც მონაცემთა გადაცემა კანონით არის მოთხოვნილი.

მესამე პირებს მონაცემები გადაეცემათ მხოლოდ შესაბამისი სამართლებრივი საფუძვლის არსებობისას და საჭირო მოცულობით.

05მონაცემთა საერთაშორისო გადაცემა

REDNET-ის ძირითადი ინფრასტრუქტურა შეიძლება განთავსებული იყოს საქართველოში, თუმცა გარკვეული მესამე მხარის სერვისების გამოყენებისას პერსონალური მონაცემები შესაძლოა დამუშავდეს ან გადაიცეს საქართველოს ფარგლებს გარეთ.

ასეთი გადაცემა განხორციელდება მხოლოდ მოქმედი კანონმდებლობის შესაბამისად და მონაცემთა დაცვისთვის სათანადო გარანტიების არსებობის შემთხვევაში.

06რამდენ ხანს ვინახავთ მონაცემებს

პერსონალურ მონაცემებს ვინახავთ მხოლოდ იმდენი ხნით, რამდენიც საჭიროა იმ მიზნის მისაღწევად, რომლისთვისაც მონაცემები შეგროვდა, ან რამდენი ხნითაც მათი შენახვა კანონით არის მოთხოვნილი.

შენახვის ვადის განსაზღვრისას ვითვალისწინებთ:

• მომხმარებლის ანგარიშისა და მომსახურების მოქმედების პერიოდს;
• სახელშეკრულებო ურთიერთობის დასრულების შემდეგ შესაძლო მოთხოვნებისა და დავების ვადებს;
• საგადასახადო, ფინანსურ და სხვა სამართლებრივ ვალდებულებებს;
• უსაფრთხოების, თაღლითობის პრევენციისა და სისტემური ლოგების შენახვის აუცილებლობას.

შენახვის საჭიროების დასრულების შემდეგ მონაცემები წაიშლება, განადგურდება ან, შესაბამის შემთხვევაში, ანონიმიზდება.

07როგორ ვიცავთ მონაცემებს

REDNET იყენებს შესაბამის ტექნიკურ და ორგანიზაციულ უსაფრთხოების ზომებს პერსონალური მონაცემების არასანქცირებული წვდომის, შეცვლის, დაკარგვის, გამჟღავნების ან განადგურების რისკის შესამცირებლად.

ასეთი ზომები შეიძლება მოიცავდეს:

• SSL/TLS დაშიფრულ კავშირს;
• წვდომის კონტროლსა და ავტორიზაციას;
• უსაფრთხოების ლოგირებასა და მონიტორინგს;
• ინფრასტრუქტურის ტექნიკურ დაცვას;
• პერსონალურ მონაცემებზე წვდომის შეზღუდვას მხოლოდ შესაბამისი უფლებამოსილების მქონე პირებისთვის.

ინტერნეტით მონაცემთა გადაცემისა და შენახვის არცერთი სისტემა არ არის აბსოლუტურად დაცული, თუმცა REDNET იღებს გონივრულ ზომებს რისკების შესამცირებლად.

08თქვენი უფლებები

საქართველოს კანონმდებლობით გათვალისწინებულ ფარგლებში მომხმარებელს უფლება აქვს:

• მიიღოს ინფორმაცია თავისი პერსონალური მონაცემების დამუშავების შესახებ;
• მოითხოვოს მის შესახებ დაცულ მონაცემებზე წვდომა და მათი ასლი;
• მოითხოვოს არაზუსტი ან არასრული მონაცემების გასწორება ან განახლება;
• კანონით გათვალისწინებულ შემთხვევებში მოითხოვოს მონაცემების წაშლა ან განადგურება;
• მოითხოვოს მონაცემთა დამუშავების შეზღუდვა ან დაბლოკვა;
• კანონით გათვალისწინებულ შემთხვევებში გააპროტესტოს მონაცემთა დამუშავება;
• შესაბამის შემთხვევებში მოითხოვოს მონაცემთა გადატანა;
• ნებისმიერ დროს გამოიხმოს თანხმობა, თუ დამუშავება თანხმობის საფუძველზე ხორციელდება.

თანხმობის გამოხმობა გავლენას არ ახდენს მის გამოხმობამდე თანხმობის საფუძველზე განხორციელებული დამუშავების კანონიერებაზე.

მომხმარებელს ასევე უფლება აქვს კანონით დადგენილი წესით მიმართოს პერსონალურ მონაცემთა დაცვის სფეროში უფლებამოსილ საზედამხედველო ორგანოს ან სასამართლოს.

უფლებების განხორციელებისთვის შეგიძლიათ მოგვმართოთ: info@connect.ge

09მარკეტინგული კომუნიკაცია

REDNET მომხმარებელს სარეკლამო ან მარკეტინგულ კომუნიკაციას უგზავნის მხოლოდ შესაბამისი სამართლებრივი საფუძვლის არსებობის შემთხვევაში.

თუ კომუნიკაცია მომხმარებლის თანხმობას ეფუძნება, მომხმარებელს შეუძლია ნებისმიერ დროს უარი თქვას მის მიღებაზე შესაბამის შეტყობინებაში მოცემული მეთოდის ან REDNET-თან დაკავშირების საშუალებით.

მომსახურების, ბილინგის, უსაფრთხოების, ანგარიშის ან სამართლებრივი საკითხების შესახებ აუცილებელი შეტყობინებები არ წარმოადგენს მარკეტინგულ კომუნიკაციას.

10პოლიტიკის ცვლილება

REDNET უფლებამოსილია პერიოდულად განაახლოს წინამდებარე კონფიდენციალურობის პოლიტიკა კანონმდებლობის, ტექნოლოგიების ან მომსახურებების ცვლილების შესაბამისად.

პოლიტიკის მოქმედი ვერსია და ბოლო განახლების თარიღი ყოველთვის გამოქვეყნდება REDNET-ის ვებგვერდზე.

არსებითი ცვლილებების შემთხვევაში REDNET მომხმარებელს აცნობებს შესაბამისი და გონივრული საშუალებით.

11კონტაქტი

პერსონალურ მონაცემებთან, წინამდებარე პოლიტიკასთან ან თქვენი უფლებების განხორციელებასთან დაკავშირებული საკითხებისთვის შეგიძლიათ დაგვიკავშირდეთ:

შპს „კონექტი“ / REDNET
ქ. თბილისი, უნივერსიტეტის ქ. 17ა
info@connect.ge
(032) 247 07 70